చిలిపి జ్ఞాపకాలతో!!

వాలు కళ్ళ వయ్యారాల చూపుతో,
నుదుటిన  కుంకుమ బొట్టుతో,
సుందరమైన హంస నడకతో,
వాలు జడలో మల్లెల గుబాలింపుతో,
తెలుగందాల పట్టు పావడాతో,
సుగంధాలు ఒలికిపొయే సోయగంతో,
ముద్దమనోహరమైన రూపు లావన్యముతో,
తేనేలోలుకే చిలిపి మాటల తీయధనముతో,
బుట్టబొమ్మలా అందంగా ముస్తాబయ్యి,
కవ్వించే కోరికల కంగారుతో,
మైమరపించే నా సప్తస్వరాల సంగీత గానంతో,
జన్మజన్మలకి నీ కౌగిలిలో వోదిగిపోయే చిలిపి స్పర్శ జ్ఞాపకాలతో,
నీ ఉహల పరధ్యానంతో,
నీకై ఎదురు చూపులతో ఇంకెన్నాలిల ఉండను మరి???

నీ చిరునవ్వు జ్ఞాపకాలతో...

మాట్టాడటంలేదు అనుకుంటే మౌనమే చాలు అనుకున్నాను!.
నువ్వు మౌనంగా ఉన్నావంటే నేను సహనంగా ఉండాలనుకున్నను!.
కలవడం లేదు అనుకుంటే కళ్ళల్లోనే ఉన్నాననుకున్నాను!.
చేతల్లో చికాకు చూసి మనసులోనే ఉన్నాననుకున్నాను!.
నీ జ్ఞాపకాలతో,
నీకై ఎదురుచూపులతో,
ఆశతో బ్రతుకుతున్నాను!..
నన్ను మరచిన నీచిరునవ్వు జ్ఞాపకాలతో కాలం గడుపుతున్నా!...

ఏమని చెప్పను?

నలుగురిలో నేను ఉన్నపుడు,
పదేపదే నువ్వు గుర్తుకొచ్చినపుడు,
దిగులుతో మనసు బరువెక్కినపుడు,
మాట్లాడేందుకు మాటలు రానపుడు,
ఏమయిందని అందరు అడిగినపుడు,
ఎంచెప్పాలో తెలియక తడబడుతున్నపుడు,
నా అవస్థ నాకే నవ్వు తెప్పించినపుడు,
ఆనవ్వు నీతో పంచుకోవాలనిపించినపుడు,
ఎంత వెతికిన నువ్వు కనిపించనపుడు,
అది నీ జ్ఞాపకమని నాకు అనిపించినపుడు,
నా కన్నీళ్ళను ఆపేందుకు ప్రయత్నిచినపుడు,
నా కళ్ళల్లో  కన్నీరు ఆగనపుడు,
నా మనసుపడే వేదన నీకేమని చెప్పను???
గుండె బరువై,
మనసులో గుబులై,
మమత కరువై,
నీ ప్రేమ దూరమై,
ఇంకేమని చెప్పను..
ఎలా బ్రతకను...

ప్రేమంటే!!!

వర్షంలో ఒకే ఒక్క గొడుగులో నడిచిన
మన పాదాల అడుగులకు తెలుసు ప్రేమంటే!

మేఘల ఘర్షణ లో ఉరుముల మెఱుపుకు
కలిసిన మన కనులకు తెలుసు ప్రేమంటే!

కంటి సైగతో పలకరిస్తే బదులు పలికే
చిరునవ్వుకు తెలుసు ప్రేమంటే!

మమత నిండిన నీచేతి స్పర్శతో
స్పందించే నామదికి తెలుసు ప్రేమంటే!

మల్లే, సన్నజాజి పూల పరిమళానికి
నిన్ను ఆకర్షిచే మైకానికి తెలుసు  ప్రేమంటే!

కలలు నిజమై మన మనసులు ఒక్కటై
మమతానురాగానికి తెలుసు ప్రేమంటె!

అల్లిబిల్లి కబుర్లతో, చిలిపి సరసాలతో
నన్ను ఆట పట్టించే, అమాయకత్వానికి తెలుసు ప్రేమంటే!

నా ఆశ, శ్వాశ, తల్లి, తండ్రి, ప్రాణం నీవై
నన్ను ప్రాణంగా చూసుకునే స్నేహానికి తెలుసు ప్రేమంటే!

మన ఇరువురి మధ్య ప్రణయమై
కలసిపోయే మన హృదయనికి తెలుసు ప్రేమంటే!

ఎవ్వరో, నీవెవ్వరో?

మబ్బుల చాటున చంద్రుడివా?
మల్లెపూలతో మంచెం వేస్తా...

మిల మిల జిలుగుల వెలుగుల నెలరాజువా?
మధిలో ప్రేమతో మందిరం కడతా...

మధువుల తేనెల పలుకుల చిలిపి క్రిష్ణుడివా?
ఫ్రియసఖి రాధనై ప్రేమను పంచుతా...

ప్రేమను పంచే ప్రియసఖుడివా?
నీ ప్రేమకు నేను దాసోహం అవుతా...

ఇంతకి  నీవెవ్వరో???
నీ రాకకై, నీకై ఎదురుచూపులతో.. శృతి...

సంక్రాంతి శుభాకాంక్షలు...

రంగు రంగుల హరివిల్లు,
ముత్యాల ముగ్గులు,
రత్నాల గొబ్బెమ్మలు,
తీయటి చెరుకు గడలు,
పిండి వంటలు...

కూతుర్ల సిగ్గుమొగ్గలు,
కొత్త అళ్ళుల్ల సందడులు,
బావా మరదళ్ళ సరదాలు,
గంగిరెద్దుల గలగలలు,
హరిదాసు తంబుర నాదాలు...

గాలిపటాల రెపరెపలు,
ధాన్యపు రాశుల లోగిళ్లు,
పసిపిల్లల బోసినవ్వులు,
మీ ఇళ్ళు, వాకిళ్లు కిలకిలలాడాలని,
మీ శృతి స్వాగతం పలుకుతూ...

నిత్యం ఆ సంక్రాంతి లక్ష్మి కరుణ కటాక్షాలు మీపై ఉండాలని కోరుకుంటూ,
ఈ సంక్రాంతి మీ అందరికి బోగభాగ్యాలనివ్వాలని,
తెలుగు వారందరికి,
నా బ్లాగ్ మిత్రులందరికి,
సంక్రాంతి శుభాకాంక్షలు...

ఒక చిన్న మాట, ఇది న్యామంటావా....

తలంటు స్నానంపోసి ,
కళ్ళకు ఐటెక్స్ కాటుక పెట్టి,
నుదుటిన సింగార్ బొట్టు పెట్టి,
ముక్కున బంగారు పుడక పెట్టి,
మెడలోన వజ్రాల హారం వేసి,
నడుముకు వడ్డనం పెట్టి
జడగంటలు జడలు కట్టి,
మల్లేపూలు జడలో తురిమి,
కాల్లకు పట్టిలు తొడిగి,
పట్టంచు చీరకట్టి,
చిన్నంచు రవిక తొడిగి,
వళ్ళంతా సెంటుకొట్టి,
మేనంతా సింగారిచి,
నీకోసం ఎదురుచూస్తూ పరధ్యనంలో నేనుంటే,
నువ్వొచ్చావని తలుపుదగ్గరికి,
వయ్యారంగా నడిచి వస్తుంటే,
అలా నన్ను చుడగానే,
నీ మీసం మెలేసి,
నా జడ లాగి,
నా కొంగు లాగి,
నడుమొంపు అందాలను స్పర్షించి,
నీ కౌగిలిలో బిగించి,
నా పెదవంచు అందాలను అందుకోని,
ఇంకా ఎదేదో కావాలంటు,
ఇలా ఉక్కిరి బిక్కిరి చేయడం న్యామంటావా....

చిపో నాకు సిగ్గు.....

నా పరువం నీకోసం!.. నీకేసొంతం ♥♥...

ఓ నా చిలిపి బావ!

అలిగావా?
నాకోసం రమ్మంటే రానంటావా?
సరసమాడరమ్మంటే కుదరంటావా?
నీ చిత్రాంగి మరదలిమీద కోపం తగునంటావా?
నా ఓరచూపు నీకు సోకకుండా ఉండడం న్యాయమంటావా?
తాపంతో రగులుతుంటే అలిగానని అంటావా?

నా పాలరాతి వంతి మేము,
ఎరుపెక్కిన చెక్కిళ్ళు,
కోటేరు ముక్కు,
ఎరుపెక్కిన పెదాలు,
నీకేసొంతం...

నా హంస నడక,
నడుమొంపు సొగసు,
లేలేతని సొగసు,
తడి ఆరని అందాలు,
నీకేసొంతం...

వాటన్నింటికి మించి,
నా పరువం,
నా చిరునవ్వు,
మా చిలిపితనం,
నా అమాయకత్వం,
నా స్నేహం,
నా ప్రేమ,
నా ప్రాణం,
నీకేసొంతం...

ఇన్ని చెప్పినా రానటావా???
♥♥ ఇప్పుడు కొండదిగవా ♥♥
♥.....
♥♥.....

నూతన సంవత్సర శుభాకాంక్షలు...

కొత్త ఆలోచనలు,
కొత్త ఆశయాలు,
కొత్త విజయాలు,
ప్రేమాభిమానాలు,
ఆప్యాయత, అనురాగాలు
మీ అందరి సొంతం కావాలని ఆశిస్తూ,
ప్రతి ఒక్కరి జీవితం రంగులమయం కావని ఆశిస్తూ,
భారతదేశం లోని ప్రతిఒక్కరు సంతోషంగా ఉండాలని ఆశిస్తూ,
పల్లేటుర్లు సస్యశ్యామలంగా ఉండాలని ఆశిస్తూ,
ప్రపంచం లో అందరు సంతోషంగా ఉండాలని ఆశిస్తూ,
మీ అందరికీ నూతన సంవత్సర శుభాకాంక్షలు.
బ్లాగ్ మిత్రులందరికి నూతన సంవత్సర శుభాకాంక్షలు...
2013 నూతన సంవత్సర శుభాకాంక్షలు...

నాకు తెలియదు...

పెదవి పలికేది కాని,
ఆ పలుకులు ఇంత మధురమైనదని,
నీ పేరు పలికేవరకు తెలియదు!

గుండె కొట్టుకునెది కాని,
అది నీ తలపుతోనే అని,
నిన్ను ప్రేమించేవరకు తెలియదు!

మన ఇద్దరి మధ్య స్నేహం ఉంది కాని,
ఆ స్నేహం ప్రేమకు దారి తీస్తుందని,
నీ ఓరచూపులతో నన్ను చూసేవరకు తెలియదు!

వయసు మొగ్గెసింది కాని,
అది పుష్పించిందని,
నువ్వు తాకేంతవరకు తెలియదు!

నాలో బావం ఉంది కాని,
సిగ్గు మొగ్గలేసుందని,
నువ్వు తొలిముద్దు ఇచ్చేవరకు తెలియదు!

నా తడి ఆరని అందాలు,
నీకు మాత్రమే సొంతమని,
నీలో కలిసేవరకు తెలియదు!

ఊపిరి ఆగిపోయెవరకు నిన్ను మరచిపోలేనని,
మన ప్రేమ చిరకాలమని,
నిన్ను ప్రేమించేవరకు తెలియదు!

శృతి లయల సంగమంలా మన జీవితం సాగిపొతుందని,
నా ప్రేమే నా ప్రాణమని,
నీతో కలిసి జీవించేవరకు తెలియదు నా ప్రాణమా!...

నా ఆవేదన!

నీ ప్రేమలో నన్ను నేను వెతుక్కోవాలనుకుంటాను,

నువ్వే కనిపించకుండా పోతావు...

నీ సాన్నిహిత్యంలో సేద తీరాలనుకుంటాను,

ఎండమావివై వెక్కిరిస్తావు...

నా కాలిమువ్వల సవ్వడితో నిన్ను పిలవలనుకుంటాను,

ఆ మువ్వల సవ్వడే వినిపించదంటావు...

నీ ప్రేమరాహిత్యంలో ఘనీభవించిన హృదయాన్ని నీ వెచ్చటి కన్నీటి జల్లుతో కరిగిస్తావు,

కరిగి కన్నీరయిన నన్ను మండుటేండగా మారి మరిగిస్తావు...

హృదయం చాలని అనుభూతివనుకుంటే,

జన్మకు చాలని ఆవేదన మిగిలిస్తావు...

ఎలా చ్చెప్పను???

నాలో ఉన్న నమ్మకానికి,
నను నడిపించే ధైర్యానివి నువ్వేనని నీకెలా చ్చెప్పను?
నాలో ఉన్న శ్వాస ఉచ్చ్వాసకి,
నను బ్రతికించే ఆశవి నువ్వేనని నీకెలా చ్చెప్పను?
నీపేరే పలకాలను కోరే నా పెదాలకి,
నా చిరునవ్వే నువ్వని నీకెలా చ్చెప్పను?
నిన్ను ఆశగా వెతికే చుపులకు,
నా కంటిపాపవు నువ్వేనని నీకెలా చ్చెప్పను?
నీ ఆలోచనలో  మునిగిపొయిన నా మనసుకి,
నా మనసాక్షివి  నువ్వేననినీకెలా చ్చెప్పను?
నేను పెట్టిన మువ్వల సవ్వడికి,
నా అడుగుల సవ్వడి నువ్వేనని నీకెలా చ్చెప్పను?
నాలోని ప్రతి జ్ఞాపకానికి,
నా గుండే చప్పుడు నువ్వేనని నీకెలా చ్చెప్పను?
మనం ఇద్దరం గడిపిన ప్రతీక్షణం,
నీపై నాకుంది ప్రేమేనని నీకెలా చ్చెప్పను?

ఎవరు నువ్వు?

అనుక్షణం వెంటాడుతుంటే నా నీడవనుకున్నాకున్నా,

కానీ ప్రత్యేకమైన రూపం నీకుంది...

ప్రతిక్షణం నీ తలపులే చుట్టుముడుతుంటే నువ్వే నా ఊహానుకున్నా,

కానీ అందమైన జీవితం నీకుంది...

నా చెక్కిళ్ళు ఎరుపెక్కి, చిరునవ్వుతో పెదాలుంటె అదంతా నా పరధ్యాసేననుకున్నా,

కానీ ఆలోచన నీకుంది...

నా నడుమొంపుల్లోని వయ్యారాలు  నన్ను మైమిరిపిస్తుంటే నీస్పర్శే అనుకున్నా,

నీ కార్యక్రమం నీకుంది...

నీ జ్ఞాపకాల జడిలో నన్ను బంధిచేసి, నీకై ఎదురుచూసే నన్ను ఒంటర్నిచేసిన నువ్వెవరివి మరి?

నా నీడవా?

నా ప్రతిబింబానివా?

నా మిత్రుడివా?

నా మనసువా?

నా ప్రియిడివా...

నా ప్రాణమా?

మీరైనా చేపుతారా?

ఒంటరి బ్రతుకు!...

జ్ఞాపకాల అడుగిడిన ఒక మడతని విప్పితే,ఆశ్చర్యమో? అహ్లాదమో?
నిన్ను ప్రేమించిన నా మనసు ఎగతాలిగా నవ్వినట్టు అనిపించింది.
మరల తడిమి చూస్తే భాదతో నలిగినట్టు కనిపించింది.
ఎక్కడో దాగి ఉన్న దుఖ్ఖం కళ్ళల్లో పెళ్ళుబికింది.

నవ్వు లేని పెదాలతో జీవం లేని బ్రతుకులా అనిపించింది.
నాకు నేనుగా వేసుకున్న బందాలు మనసుకి సంకెళ్ళులా అనిపించాయి.
నువ్వు లేకుండా నాకు ఒంటరి బ్రతుకు అనిపించింది.
మరల మడత పెడుతుంటే కను చివర కన్నీటి ముత్యం మెరిసినట్టే మెరిసి చీకటిలో కలిసిపోయింది!...

ఏక్కడని వెతకను నిన్ను???

నువ్వెక్కడని ఆకాశాన్నడిగా,

ఉరుములు మేరుపులు తప్ప నీ ప్రియుడి జాడ నాకేల తెలుసు సఖి!...

నువ్వెక్కడని మేఘాలనడిగా,

వర్షం మబ్బులు తప్ప నీ ప్రియుడి జాడ నాకేల తెలుసు సఖి!...

నువ్వెక్కడని సెలయేరునడిగా,

గల గల ప్రవహించడం తప్ప నీ ప్రియుడి జాడ నాకేల తెలుసు సఖి!...

నువ్వెక్కడని సముద్రాన్నడిగా,

అలల శబ్ధంతో ప్రకృతి మాతను ఆరధించడం తప్ప నీ ప్రియుడి జాడ నాకేల తెలుసు సఖి!...

నువ్వెక్కడని వీచే చల్లటి గాలినడిగా,

చల్లదనంతో అందరిని మైమరిపించడం తప్ప నీ ప్రియుడి జాడ నాకేల తెలుసు సఖి!...

నువ్వెక్కడని బోసి నవ్వుల బుజ్జయినడిగా,

కల్మషం లేని మనసు, నా చిరునవ్వు తప్ప నీ ప్రియుడి జాడ నాకేల తెలుసు సఖి!... 

ఇంకా ఏక్కడని వెతకను నిన్ను?

నీ కోసం వెతికి వెతికి చూసా, నీ ఫ్రేమకై తిరిగి తిరిగి చూసా, 

చివరకు  ఒక్క నిజం కనుకున్నాను. 

నా హృదయపు మందిరంలో చుసాను...