ఓ ప్రియతమా.....

ఓ ప్రియతమా...



నిన్ను ఎలా ప్రేమిచాలో నాకు తెలుసు.
కానీ నిన్ను ఎలా ద్వేషించాలో నాకు తెలియదు...

నిన్ను ఎలా ఇస్టాపడాలో నాకు తెలుసు.
కానీ నిన్ను ఎలా వదలాలో నాకు తెలియదు...


నిన్ను ఎలా చూసుకోవాలో నాకు తెలుసు.
కానీ నిన్ను వదిలి దూరంగా ఎలా ఉండాలో నాకు తెలియదు...


నిన్ను  ప్రేమిస్తున్నానని చెప్పడం చెప్పడం నాకు తెలుసు.
కానీ దాన్ని నిరూపించుకోవడం నాకు తెలియదు...

నీ ప్రేమను అనుభవించడం నాకు తెలుసు.
కానీ నువ్వు లేకుండా ఎలా బ్రతకాలొ నాకు తెలియదు...

నీకోసం నేను పసిడిబొమ్మ నవుతా...

మండుతున్న ఎండను శాంత పరిచే
తొలకరి చిరు జల్లులా వస్తాను...
తీగలా నిన్ను అల్లుకొని నీ మదిలో 
పువ్వులా ఆనంద రాగాలూ పలికిస్తాను...
వసంతాన కూసే కోయిల రాగమై
నిన్ను ఉక్కిరి బిక్కిరి చేసే కిల కిల రావం అవుతాను...
చిలిపి చేష్టలతో నీలో హావా భావాలను
పలికించి హాయిగొలిపే పసిడిబొమ్మ నేనౌతాను...

నా ఉహా.....

కరుణించే కంఠస్వరం నీవైతే
గర్వించే గుండే నేనవుతా...
వర్షించే మేఘము నీవైతే
సప్తవర్ణాల హరివిల్లు నేనవుతా..
వెసే ప్రతి అడుగు నీవైతే
పులకించే ప్రతి స్పందన నేనవుతా..
మెరిసే తారక నీవైతే
పరచే ఆకాశం నేనవుతా..
ఎద చిత్రించే కలల కుంచె నీవైతే
మది ఫలకంపై ఆశల రంగునవుతా..
ఏ కాంతిలేని ఏకాంతంలోకి పడవేస్తే
నీకు వెలుగునిచ్చే మినుగురు నవుతా..
వరములిచ్చే ప్రేమ నీవైతే
నీకు దాసోహం నేనవుతా.....

నువ్వే నా ప్రపంచం...

ప్రతీ ఒక్క ఘడియ నేను నీ కోసమే ఆలోచిస్తాను.
ప్రతీ ఒక్క నిమిషం నేను నీ గురించే పరుగులు తీస్తాను.
ప్రతీ ఒక్క గంట నిన్ను చేరడానికి ప్రయత్నిస్తాను.
ప్రతీ ఒక్క రోజు నీ గురించే కళలు కంటాను.
ప్రతీ ఒక్క క్షణమ్ నేను నీతొనె ఉండాలని కోరుకుంటాను..
అందుకే నువ్వే నా ప్రపంచం...

నా హృదయం....

మనసు ముందరే ఆగిపొయిన నీ ప్రేమ అల.
మౌనం చుట్టూ బంధీ చేసిన నీ ఊసుల వల..
పెదవుల అంచుల్లో వినపడని నీ మాటల గలగల.
కన్నుల కొసరునే నువ్వు కడుతున్న కన్నీటి మాల..

నీ తలపుల ఇంధనంతో మండిపొతోన్న ఆలోచనల జ్వాల.
ఈ విషాదపు చాయల్లో నువ్వు ఊపుతున్న చేదు జ్ఞాపకాల ఊయల..
నిన్ను కానరాక నిద్రలేక ఒంటరైపోతున్న నా కన్నుల కల.
నువ్వు దక్కక అయిపోతోంది నా హృదయం ఒక శిల..

తోడును నీడను.....

పసుపుతాడు కట్టి నీకు దగ్గరకకపోయినా,
నీ కడుపులో పసివాడినై ,
నీ ప్రేమను పొందుతాను ,

నీతో పాటు ఏడు అడుగులు నడవకపోయిన,

ఏనాడు.. తోడును నీడను విడువను
నా శ్వాస ఉన్నంత వరకు, నీకు అన్ని నేనై ఉంటాను......

హనుమాన్ జయంతి శుభాకాంక్షలు....

ఈరోజు హనుమాన్ జయంతి. దేశం నలుమూలలా హనుమాన్ జయంతి ఫెస్టివల్ సెలెబ్రేషన్స్ జరుగుతాయి. విదేశాల్లో స్థిరపడ్డ హిందువులు తమదైన పద్ధతిలో హనుమాన్ జయంతి ఫెస్టివల్ సెలెబ్రేషన్స్ జరుపుకుంటారు. ప్రతి సంవత్సరం చైత్ర మాసం పౌర్ణమినాడు హనుమాన్ జయంతి వస్తుంది. హనుమంతుడు, రాముని నమ్మినబంటు.

రామునిమీద ఆంజనేయునికి ఎంత భక్తి అంటే, ఒక సందర్భంలో తన గుండె చీల్చి చూపగా అక్కడ సీతారాములు కొలువై ఉంటారు. మరోసారి హనుమాన్ సీతాదేవిని "నుదుట సిందూరం ఎందుకు పెట్టుకున్నావమ్మా" అని అడుగుతాడు. సీతమ్మ తల్లి "శ్రీరాముని ఆయుష్షు బాగుండాలని" అంటుంది. అంతే, ఆంజనేయస్వామి తన ఒళ్ళంతా సిందూరం పూసుకుంటాడు. అదీ హనుమంతునికి రాముడి మీద గల నిరుపమానమైన భక్తి. హనుమాన్ జయంతి ఫెస్టివల్ హిందువులకు ముఖ్యమైంది.

చింతలు, చిరాకులు, భయాలు, ఆందోళనలు తీర్చే దేవుడు. ఆంజనేయస్వామి బలానికి, శక్తికి ప్రతిరూపం. కొండను కూడా పెకిలించి తీసికెళ్ళగల శక్తిమాన్ వీర హనుమాన్. ఎక్కువమంది చైత్ర పౌర్ణమి రోజును హనుమాన్ జయంతిగా జరుపుతుండగా కొందరు మాత్రం చైత్ర చతుర్దశిని హనుమాన్ జయంతి గా జరుపుతారు. హనుమాన్ జయంతి ఫెస్టివల్ సెలెబ్రేషన్స్ ను పురస్కరించుకుని దేవాలయాల్లో ప్రత్యేక పూజలు నిర్వహిస్తారు. హనుమాన్ చాలీసా మొదలైన హనుమంతుని భక్తి గీతాలతో ఆహ్లాదకరంగా ఉంటుంది.

హనుమంతుని కధలు వినిపిస్తారు. పంచముఖ హనుమాన్, పాదరస హనుమాన్ తదితర విగ్రహాలకు ప్రత్యేక పూజలు చేస్తారు. దేవాలయాల్లో హనుమాన్ ప్రత్యేక పూజలు జరిపి భక్తులకు ప్రసాదాలు పంచుతారు. అనేక దేవాలయాల్లో ఈరోజు అన్నదానాలు నిర్వహిస్తారు. హనుమాన్ జయంతి ఫెస్టివల్ సెలెబ్రేషన్స్ సందర్భంగా , ఆంజనేయుని ఉంగరాలు, హనుమాన్ లాకెట్లు, హనుమాన్ పిక్చర్స్, ఆంజనేయుని విగ్రహాలు విక్రయిస్తారు. మామూలు రోజుల్లో కంటే, హనుమాన్ జయంతి నాడు ఆంజనేయుని ఉంగరాలు, హనుమాన్ లాకెట్లు, ఆంజనేయుని విగ్రహాలు ఎక్కువగా అమ్ముడుపోతాయి.

తెలుగు విలువ తెలుగుదె.

డియర్ ఫ్రెండ్స్,
ఇంగ్లీష్ రైమ్స్ ని మనం సరదాగా తెలుగు లో చదువుదామా.



జానీ!
జానీ!!
ఏంటి నాన్న,
చక్కర తిన్నావా,
లేదు నాన్న,
అబద్దం చెపుతున్నావా,
లేదు నాన్న,
నూరు తెరువు,
హా హా హా.....


టెక్నాలజీ ఎంత అభివృద్ది చెన్దినా తెలుగు తెలుగే.
తెలుగు విలువ తెలుగుదె.
తెలుగు లో మాట్లాడూదాం.

నీకు ఎలా తెలపాలి నా ప్రేమ ?

నా మనసు నను వీడి నీ చెంత చేరిందే ఒక క్షణము
అది నువ్వు రుజువు చేయమన్న చాలేనా ఈ యుగము
నీ నీడల్లే విహరిస్తు నా వైపే రాను అంది ఏ క్షణము
నీ జ్ఞాపకాలే శ్వాసగా నీ పిలుపుకై వేచివుంది నా మౌనము

ఓ ప్రియతమా!!!

నా ఊహల రాజువి నీవె.
నా కవితల బావం నీవె.
నా కనుల వెలుగు నీవె.
నా జీవిత సర్వస్వం నీవె ఓ ప్రియతమా!!!!!

కాస్త ఆలోచిద్దాం....

ఈ మద్య ప్రేమొన్మాద దాడులు ఎక్కువగా అవుతున్నాయి.
ప్రేమ పేరిట ఆడపిల్లల హత్యలు, ఆత్మహత్యలు ఇటీవల కాలంలో పత్రికలు, ఎలక్ట్రానిక్‌ మీడియాలో బాగా ప్రచారమవు తున్నాయి.
ప్రేమ పేరిట ఇటీవల జరుగుతున్న హత్యలు ఒక వర్గానికో, కులానికో, ప్రాంతానికో పరిమితం కాలేదు. గత ఏడాది ఆగస్టు నుంచి ఈ ఏడాది జనవరి వరకు కృష్ణా జిల్లాలో 8, అనంతపురం 4, కరీనంగర్‌ 2, నల్గొండ 1, చిత్తరు 1, గుంటరు 1, శ్రీకాకుళం 1, విశాఖపట్నం 1, పశ్చిమ గోదావరి 1, ప్రకాశం 1, హైదరాబాద్‌ 3, ఆదిలాబాద్‌ 1 చొప్పున దాడులు నమోదయ్యాయి. ఇవి ఇంకా పెరుగుతున్నాయి.


నా ప్రియ మిత్రులారా దీని గురించి కాస్త ఆలోచిద్దాం.
 ప్రేమొన్మాద దాడులు తగ్గించడానికి ప్రయత్నించుదాం.


నీతో నువ్వు ఎప్పుడు ఉంటావు నిన్ను నువ్వు ప్రేమించడం నేర్చుకో... ప్రేమించమని వెంటపడకు.... బలవంతంగా పుట్టే ప్రేమ, కలకాలం నిలువదు తెలుసుకో... నీతో నువ్వు ఎప్పుడు ఉంటావు నిన్ను నువ్వు ప్రేమించడం నేర్చుకో... కాలం మారుతుంది.

ప్రేమ...

సృష్టి యొక్క బలం బలహీనత ప్రేమ.
చావు పుట్టుకలకు మద్య గల అనుబందం ప్రేమ...

ఆకాశం కోసం ఎగిసే కెరటాల ఆరాటం ప్రేమ.
ఎడారిలో ఎండమావిలో నీరు ప్రేమ...

ప్రపంచాన్ని జయించే శక్తినిచ్చేది ప్రేమ.
ద్వేషాన్ని కూడా ప్రేమతో గెలిచేది ప్రేమ..

ఆకలిని తెలుసుకొని అన్నం పెట్టె అమ్మంటే ప్రేమ.
కావలసింది తెలుసుకొని ఇచ్చే నాన్నంటే ప్రేమ...

నొప్పి తెలియని తీయ్యని గాయం ప్రేమ.
చితి మీద వున్నా నిన్ను వీడని జ్ఞాపకం ప్రేమ...

ఈ సమాజం యొక్క బలం బలహీనత ప్రేమ.
మనస్సును మైమరపించే మైకం ప్రేమ...

యవ్వనంలో కలిగే భావన ప్రేమ.
వృద్దాప్యం లో వుండే ఆప్యాయత ప్రేమ...

మరణం అంటూ లేనేలేనిది ప్రేమ.
స్నేహాన్ని సైతం విడదీసేది ప్రేమ...

ఆకాశానికి ఉవ్వెత్తున ఎగసిపడే అలజడి ప్రేమ.
చితిమీద కూడా పరిమలించెను ప్రేమ...

ఊహ లోకం లో విహరించేలా చేసేది ప్రేమ.
నిన్ను నువ్వు మరిచేలా చేసేది ప్రేమ...

కొమ్మన విరిసే కుసుమం ప్రేమ.
వెన్నెల విరిసే విరహం ప్రేమ...

గమ్యం తెలియని పయనం ప్రేమ.
చీకటిలో వెన్నెల్లా వెలుగుచుపెను ప్రేమ...

అర్ధం తెలియని రెండక్షరాల పదం ప్రేమ.
వ్యర్ధం కాని జీవిత పరమార్ధం ప్రేమ...

నా బ్లాగ్ మిత్రులకు హొలీ శుభాకాంక్షలు........

నా బ్లాగ్ మిత్రులకు , నా ప్రియ మిత్రులకు హొలీ శుభాకాంక్షలు..
హోలీ (సంస్కృతం: होली )అనేది రంగుల పండుగ , హిందువుల వసంత కాలంలో వచ్చే ఈ పండుగను భారత దేశంలోనే కాకుండా, నేపాల్, బంగ్లాదేశ్ మరియు ప్రవాస భారతీయులు కూడా జరుపుకుంటారు. భారత దేశంలోని పశ్చిమ బెంగాల్ మరియు బంగ్లాదేశ్‌లలో దీన్ని దోల్‌యాత్రా (దోల్ జాత్రా ) లేదా బసంత-ఉత్సబ్ ("వసంతోత్సవ పండుగ") అని అంటారు. హోలీ పండుగను బ్రాజ్ ప్రాంతంలో భగవంతుడైన కృష్ణునికి సంబంధిత ప్రదేశాలైన మథుర, బృందావనం, నందగావ్ మరియు బర్సానాలలో ఘనంగా జరుపుకుంటారు.

మన భారతదేశం వివిధరకాల ఆచారాలు,
సాంప్రదాయాలకు విలువ నిచ్చే దేశం. మన దేశంలో జరుపుకొనే
సరదా పండుగల్లో హొలీ ముఖ్యమైన పండుగ. ప్రధానంగా ఉత్తర
భారతదేశంలో ఈ పండుగని ఆనందోత్సహాలతో అన్ని వయసుల
వారు జరుపుకుంటారు వసంతకాలం రాకకు గుర్తుగా పకృతి అంతా
పచ్చపచ్చగా అగుపిస్తూ సుందరంగా కనులవిందు చేస్తుంది.
ఒకరిపై ఒకరు పిచికారీలతో రంగులు చిమ్ముకుంటూ సరదాగా
ఆడి పాడుకుంటారుమధుర,బృందావనంలలో
శ్రీకృష్ణుడు గోపికలతో రాసకేళి గడిపిన చోట శ్రీ కృష్ణుని విగ్రహాలపై రంగులు
పూసి హొలీ జరుపుకుంటారు.
అందరికీ హొలీ శుభాకాంక్షలు!

నీ స్నేహం....

సెలయేరు లా సాగే నా జీవితం.
నీ రాకతో నదీప్రవాహం అయింది,
కట్టలు తెంచుకు ప్రవహించింది,
నీవు నిష్క్రమించాక గతి తప్పి పోయింది,
సాగర తీరం చెరకా వొంటరిగా సాగిపోతుంది.....

నీ జ్ఞాపకాలు.........

పరవళ్ళు తొక్కె సేలఏరు లాంటి నీనవ్వు
నా మనసు వీడిపోలేదు
నీ స్నేహం నన్ను విడిపొయినా
నీ జ్ఞాపకాల జడివాన నన్ను వీడలేదు
అప్పటికీ నేను..నీకోసమే ఉంటున్నా నీ ఉహాల్లో విహరిస్తున్నా........